2020 жылғы 13 шілде - Қазақстан Республикасында жалпыұлттық аза тұту күні

10 (11) сыныпқа қабылдау туралы өтініш беру

Өтінішті қалай беруге болады? Қарау
Электрондық өтінішті қалай және қайда беруге болады?

Электрондық өтінішті SAKURA АЖ порталы арқылы беруге болады

Өтінішті кімдер бере алады?

Өтінішті баланың ата-аналары не заңды өкілдері ғана бере алады

Өтініш қалай және қай мерзімде тіркеуден өтеді?

Бес жұмыс күні ішінде өтініш берілген мектеп тіркеуден өткізеді

Қызметті қалай алуға болады?

Қызмет "электрондық үкіметтің" веб-порталы (www.egov.kz) арқылы және көрсетілетін қызметті берушінің кеңсесінде көрсетіледі (электрондық не қағаз түрінде, таңдауға болады). Қызметті қағаз түрінде алу үшін көрсетілетін қызметті берушінің кеңсесіне жеке жолығу керек. Осы интернет-портал дәл сол кеңсенің өкілдігі болып табылады. Сондықтан аталған портал арқылы берілген өтініш қағаз түрінде берілген өтінішпен бірдей

Баланың заңды өкілі деген кім?

Баланың заңды өкілі – бұл ата-ана, немесе баланың мүдделерін білдіруге ресми (яғни, құжат түрінде) уәкіл етілген тұлға (асырап алушылар, қамқоршылар, қорғаншылар)

Шетелдік балаға өтінішті қалай беруге болады?

Баланың азаматтығы және оның туған жері маңызды емес. Кез келген бала білім беру ұйымына жазылуы мүмкін. Егер заңды өкілінің ЖСН болса, барлық балалар үшін рәсімдер бірдей

БАЛАНЫ МЕКТЕПКЕ ҚАБЫЛДАУ Қарау
Баланы кім, қалай және қандай мерзімде мектепке қабылдайды?

Мектеп күнтізбелік 10 күн ішінде баланы мектепке қабылдайды, ата-анасы баласы қабылдану үшін құжаттардың түпнұсқаларымен келуге тиіс

10 (11) сыныпқа құжаттарды және оқуға қабылдау қай кезде жүзеге асырылады?

10 (11) сыныпқа құжаттарды және оқуға қабылдау негізгі орта білім туралы мемлекеттік үлгідегі құжат табысталған соң 1 маусым – 30 тамыз аралығында жүзеге асырылады

ЕГЕР ЖАЗЫЛА АЛМАСАҢЫЗ, НЕ ІСТЕУГЕ БОЛАДЫ? Қарау
Егер мектеп өтінішті тіркеуден негізсіз бас тартқан жағдайда, қайда және кімге жолығуға болады?

Қаланың білім бөліміне не поштаға хат жазу, не телефонмен қоңырау соғу, не бөлім басшысының орынбасарына қабылдауға жазылу

Заңсыз бас тартылған жағдайда, қайда жолығуға болады?

Қаланың/ауданның білім бөліміне

Егер бала бір мектепке қабылданғанымен, ата-анасы оны басқа мектепке ауыстырғысы келсе, қайда және кімге жолығу керек?

Ата-ана жүйеде баланың мектептен шығарылғанын растау үшін мектепке келуге және қажетті мектепке оқуға қабылдау туралы өтінішті беруге тиіс.

Тағы нені білу керек? Қарау
Өтініштің тіркеуге түскенін қалай түсінуге болады?

Электрондық өтінішті беру кезінде көрсетілген мобильді телефон нөміріне SMS хабарлама түседі немесе сіз мәртебесін жеке кабинет арқылы тексере аласыз

Аттестат дегеніміз не және оны қайдан алуға болады?

Бұл құжаттың түрі негізгі жалпы білімнің білім беру бағдарламалары бойынша оқуды аяқтаған 9 (10) сыныптың түлектеріне беріледі. Қосымшасымен бірге бұл құжаттың түрін мектептен алуға болады

Мектепті таңдау кезінде шектеулер бар ма?

Бос орындар болса, бала кез келген мектепке қабылдануы мүмкін

Мемлекеттік көрсетілетін қызметтің паспорты
Көрсетілетін қызметтің атауы

Бастауыш, негізгі орта, жалпы орта білім берудің жалпы білім беретін бағдарламалары бойынша оқу үшін ведомстволық бағыныстылығына қарамастан, білім беру ұйымына құжаттарды тапсыру және оқуға қабылдау

Көрсетілетін қызметті беруші

Мемлекеттік қызмет бастауыш, негізгі орта және жалпы орта білім беру ұйымдарымен көрсетіледі

Көрсетілетін қызметті алушы

Жеке тұлғалар (баланың ата-аналары немесе басқа заңды өкілдері)

Қызмет қайда көрсетіледі
  • 1 "Электрондық үкіметтің" веб-порталы арқылы: www.egov.kz
  • 2 Көрсетілетін қызметті берушінің кеңсесі арқылы (электрондық не қағаз түрінде, таңдауға болады)

Қызметті қағаз түрінде алу үшін көрсетілетін қызметті берушінің кеңсесіне жолығу керек. Осы интернет-портал дәл сол кеңсенің өкілдігі болып табылады. Сондықтан аталған порталдың көмегімен берілген өтініш қағаз түрінде берілген өтінішпен бірдей.

Қызметті көрсету нәтижесі

Құжаттарды қабылдау туралы қолхатты беру және оқу жылының басында орта білім (бастауыш, негізгі орта, жалпы орта) ұйымына қабылдау туралы бұйрықты шығару

Қызметті көрсету мерзімі

Көрсетілетін қызметті берушіге құжаттарды тапсырған сәттен бастап, сондай-ақ портал арқылы өтініш берген кезде – қолхатты алу үшін 5 (бес) жұмыс күні

Көрсетілетін қызметтің құны

Тегін

Нормативтік актілер

Қызметтің көрсетілуі көптеген нормативтік құжаттармен реттеледі, оның ішінде мынадай негізгі құжаттар:

  • 1 «Білім туралы» Қазақстан Республикасының Заңы (2007 жылғы 27 шілдедегі № 319-ІІІ)
  • 2 «Балаларға арналған қосымша білім беру ұйымдары түрлері қызметінің үлгілік қағидаларын бекіту туралы» Қазақстан Республикасы Білім және ғылым министрінің бұйрығы (2013 жылғы 14 маусымдағы № 228)
  • 3 «Орта білім беру саласында жергілікті атқарушы органдармен мемлекеттік көрсетілетін қызметтер стандарттарын бекіту туралы» Қазақстан Республикасы Білім және ғылым министрінің бұйрығы (2018 жылғы 12 қазандағы № 564)
  • 4 мемлекеттік көрсетілетін қызметтің регламенті (облыстық әкімдіктің қаулысымен бекітіледі, әр өңірдің өзіндік ерекшелігі бар)
ТАЛАП ЕТІЛЕТІН ҚҰЖАТТАРДЫҢ ТІЗІЛІМІ

Осы интернет-портал арқылы электрондық өтініш беру үшін:

  • 1 баланың туу туралы куәлігінің скан-көшірмесі (егер ол Қазақстан Республикасынан тыс жерде туған болса);
  • 2 баланың денсаулық жағдайы туралы анықтаманың скан-көшірмесі (№ 063/у нысаны);
  • 3 баланың денсаулық паспортының скан-көшірмелері (026/у-3 нысаны);
  • 4 баланың цифрлық фотосуреті;
  • 5 педагогикалық-медициналық-психологиялық комиссияның қорытындысы (болған жағдайда);
  • 6 белгіленген үлгідегі негізгі орта білім туралы аттестаттың скан-көшірмесі.

Өтініш беру үшін заңды өкіл бірнеше қадамнан өтуге және мынадай ақпаратты ұсынуға тиіс:

Қадам 1
жарамды ұялы телефон нөмірін көрсетіңіз;
Қадам 2
бала және оның заңды өкілі туралы мәліметтерді көрсету;
Қадам 3
Хабарлау;
Қадам 4
мектеп таңдау;
Қадам 5
электрондық хабарламалардың өлшемшарттарын ретке келтіру;
Қадам 6
жасалған өтінішті тексеру және оны тіркеуге жіберу.
Күшін жою
Техникалық қолдау қол жетімсіз